最近超黑仔

最近真係好黑仔，做咩事都頭頭碰著黑。

話說琴晚上大陸飛發，返過黎果陣比大陸關個自助過關系統困住，

我一行入去，道門就開唔到，夾住係兩道門中間，

其餘D LINE全部都開唔到，原來系統故障，D機全部都用唔到，

甚至連度門都開唔返，結果係入面困左成十幾分鐘。小喇叭，跳老舞。

都未算係最黑，我入大陸海關果陣都無雨落GE，

一出關就係到落狗屎，仲要楂車，搞到成身濕曬，

最抵死都係返到屋企就即刻停雨，唉，擺明玩野，

我係咪同你有咩過唔去呀?

閃字

最近，除左xanga同facebook之外， 我開始玩閃字，因為我覺得， 佢地好靚，而且又唔難整， 仲可以用黎裝飾xanga wor 所以我就開始玩la，比d作品你地睇下la， haha，我仲係新手，所以唔係好靚。

小偉子自困房間記

話說小偉子琴晚困左係間房入面出唔到黎，

因為房間個鎖壞左，而屋入面又無其他人，

小偉子用盡所有方法都開唔到道門。

經過一個多小時ge爭扎之後，小偉子把心一橫，

打９９９求救，不出三分鐘，

一隊以救傷車為頭陣ge解救部隊抵達現場，

展開左拯救小偉子行動。

有兩個醫護人員擔左個擔架出黎，

準傋救人，而消防員亦都架起鋁梯準備花籠ge爆破行動，

入屋拯救小偉子。

當消防員上開左鐵籠，入左小偉子間屋，

用鐵筆幫小偉子破開房門，結果失敗而回。

第二個消防員亦用同樣方法入到小偉子間房，

用一枝更巨型ge鐵筆攻向房門，結果都係打唔開房門。

第三個消防員隨即趕至，用一支勁大型鐵筆撬向房門，

三人合力之下，終於將房門破開，小偉子重復自由。

小偉子今次真係勁魚，竟然會將自己困係房間，

真係唔知點講好！haha！！

急性失憶失常症

病徵：失魂落魄

　　　神遊太虛

　　　記性暴跌

　　　若有所思

　　　語無倫次

　　　精神無法集中

病因：不明

解藥：不明

備註：此症暫無藥可治

最近我好似患上左呢種病，

唔知點解，硬係好似集中唔到精神，

而且記性差左好多，經常神遊太虛，

成日都係唸緊其他野，

有無人知道呢種病要點醫呀？